نكات مضحكة ت

مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع ابويا ينابيع يا ابويا يبيع"
*************************

مره واحد بلديتنا بعت لمراته جواب كاتب فيه 6 حروف ح فمراته قالت للبوسطجي "اقرا لي الجواب" فقال لها اللى فيه قالت "بس انا فهمت" قال لها البوسطجي "فهمتي ايه" قالت له "حضرة حرم حج حمدان حضروا لة حمار"
*******************************

مرة ثلاثة مجانين الدكتور جاب ثلاث كبايات مياه فقال لهم "أغطسوا" غطس أتنين ولم يغطس الثالث وتوقع الدكتور أنه خف فقال له "لماذا لم تغطس؟" قال له "خايف أغرق"
*********************************

واحد راح المترو قطع ثلاث تزاكر قابلة واحد قالة انت قاطع ثلاث تزاكر لية قالة عشان لو ضاعت الاولى يبقى ماعاية التانية قالو لو ضاعت التانية قالة معايا التالتة قالة لو ضاعت التالتة قالو ما تخفش معايا اشتراك
*************************

مرة واحد ندل فتح مصنع بيبسي , كتب على العلبة "رج جيدا قبل الفتح"
******************

مره واحد كهربائى اتجوز واحده اسمها نجفه علقوها منه
***********************

مره دكتور راح مستشفي المجانين علشان يكشف عليهم فرسم لهم باب علي الحائط و قال لهم "افتحوه" فراحوا يفتحوه ما عدا واحد، افتكر أنه عقل و بقى كويس فساله "ليه ما فتحتش الباب" قاله "لأن المفتاح معايا !!؟؟"
**********************

مره واحد كسلان محكوم عليه بالإعدام ردما فى حفرة فبيقلوله "نفسك فى ايه قبل ما نردم؟" راح قالهم "أشرب قالولوه "اطلع اشرب" راح رد وقال "انا لسه هطلع يا عم اردم اردم!!"
*************************

واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه
*********************

مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه
************************

مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان"
***************************

واحد غني بيتأتأ فراح رحله على حسابه مع اصحابه طول السكه قاعد يقول "ن ن ن" لمل وصلوا قالهم" نسيت الفلوس" فرجعوا طول الطريق قاعد يقول" ك ك ك" فلما وصلوا قالهم" كنت باضحك عليكم"
**********************

مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين
************************

مرة دبانة سقطت فى كاس خمرة طلعت تقول وسع للنسر
********************

حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا
*********************

واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى
***********************

مره واحد احول سالوه:ايه هى امنيتك في الحياة؟ قال اشوف واحد ماشى لوحده
*********************

مرة واحد رخم أوى دخل سينما مفيهاش الا واحد راح قعد وراه وقاله لو سمحت كده شوية ؟
************************

كمبيوتر طلق مراتة فالتة والسي دى اللى فى بطنى
********************

مرة واحد سنانه كلها مخلعة ماعندوش غير انياب راح قدم على وظيفة شغلوه خرامة
*************************

فضاءين نزلو الارض في محطة بنزين مافيهاش حد فلفوا حولين مضخة بنزين لفوا حوليها ورجعوا تاني فاصحابهم قالولهم :اية هو شكل سكان الارض فقالولهم :هم تقريبا زينا بس بيناموا وهم واقفين و بيحطوا صباعهم في ودانهم
***************************
مره واحد صعيدي عندو مزرعه فراخ وكان كل يوم يدخل يلاقي البيض قليل قوي فلما اتخنق راح جايب فرخه وراح دابحها قدامه كلهم وقال بكره الي مش هتجيب خمس بيضات هيبقي مصيرها زي دي تاني يوم كل ميشيل فرخه يلاقي خمس بيضات يشيل خمسه لحد مجاه لاقي تلاته بس تحت وحده فقال انا قلت اي امبارح قالو استر عليا دانا ديك


تنتلالالام تنتمممممممممممممممم


يارب دول كمان يعجبوكممممممم